اوشاق و بوز

درسه گئدن بیر اوشاق

چیخدی بوز اوسته قوچاق.

سوروشدو بیردن_ بیره

دیدی اوز اوسته یئره.

دوردو اوشاق نئیله دی؟

بوزا بئله سؤیله دی:

« سن نه یامانسان، آ بوز!

آدام ییخانسان، آ بوز!

آز قالیب عؤمرون سنین،

یاز گلر، آرتار قمین.

ارییب سویا دؤنرسن،

آخییب چایا گئدرسن!»

چله گجه سی آیدین اولسون

گئجه آملمیشام چیلله قارپیزی 

سالمیشام چایدانا یاشیل یارپیز

چیلله گحئجه سی یئتیشدی یولدان

فامیل توکولوبدی ســـــاغ و سولدان

مش قوربانعلی دوشوبدی قولـدان

دؤرد اللی یئییر جویــــز - میلاخ دان!

خاتین گـــــوز آغـــــاردیـری قیـــراخ دان!!

سئفرایه ائدیبدی حمله شئر تک

تئز تئز یئ ییری انار و پشمک

آجیللره هی ووروبدو پاتک

بئش قابی بوشالدیب اوسته - اوسته

تکجه سئچیری باداملا پوسته !

چون سینی ایچینده گلدی قارپیز

قوربان دئدی : گل بو سمته آی قیز!

قَش قَش یئدی قارپیزی آمانسیــــز

هیچ کیمسه آلانمادی الین نن

قارپیز سویی آخدی سققلین نن!

مجلس صاحابی سوسوب، قالیب واه!

گاهدان گولوری: دئییر ماشاللاه!

قلبینده دئییر ولی : آی آللاه!

دورد اللی بوجور یئمه ک نه ایشدی؟

واه واه بو کیشی نه گورمه میشدی!

 بیر کیمسه یه وئرمیری ماجالی

تئز تئز سویور آلما - پرتقالی

تا که گؤرور ائو صاحاب بو حالی

هی چئینیری هیسله دیل دوداقین:

آی قارنی شیشه بوجور قوناقین!

ازبس یئدی، دالبادال چای ایشدی

قارقیش اوخی مقصده یتیشدی

تیخماق اثرین ده قارنی شیشدی

بیردن بیره ناله سی اوجالــدی

مجلس صاحابی خطایه قالدی!

آرواد دئدی : ای وای اؤلدی قوربان!

دور ماشینی فوری یاندیر اوغلان!

تا کـــــــــــــه آپـــــاراق مطبّه الآن

یئردن اونو قووزادی قوناقلار

آلدی بئلینه اوغول به ناچار

ایستیردی چیخا اتاق دان اوغلان

ائتدی الینن اشاره قوربان

گوردو آتاسی دئییر یاواشدان:

اوچ -دؤرد تیکه حالوا اولسا خوشدی

معده م دیه سن بیر آزجا بوشدی!!

سعید سلیمان پور

http://artawilnews.blogfa.com/post-258.